“Dendrologiya bağı” PHŞ-nin əməkdaşları Xəzər rayonunda “Konstitusiya və Suverenlik İli” çərçivəsində keçirilən ağacəkmə aksiyasında iştirak edib

Xəzər rayonunda 2025-ci ilin “Konstitusiya və Suverenlik İli” elan olunması ilə əlaqədar Xəzər rayonunda növbəti ağacəkmə aksiyası keçirilib.

Xəzər Rayon İcra Hakimiyyətinin təşkilatçılığı ilə Qala qəsəbəsi, Qala-Pirallahı avtomobil yolunun sağ hissəsində keçirilən aksiyada  Rayon  İcra Hakimiyyətinin başçısı Elşən Salahov, YAP Xəzər rayon təşkilatının sədri Namiq Əhmədov, RİH başçısının müavinləri və Aparatın əməkdaşları, Xəzər RİH başçısının qəsəbə inzibati ərazi dairələri üzrə nümayəndələri, Bakı Şəhər İcra Hakimiyyəti başçısının tabeliyində “Dendrologiya bağı” publik hüquqi şəxsin (PHŞ) əməkdaşları, bələdiyyə sədrləri, rayonun təhsil, səhiyyə, mədəniyyət, idarə, müəssisə və təşkilatların rəhbərləri və kollektivləri, Şəhid ailələri və müharibə iştirakçıları, gənclər və rayon ictimaiyyətinin nümayəndələri iştirak ediblər.
Aksiya iştirakçıları tərəfindən əkilən ağaclara aqrotexniki qulluq göstərilib.